Qazaqstandyq tennısshi beıresmı álem chempıonatynyń fınalyna shyqty
ASTANA. QazAqparat - Qazaqstandyq tennısshi Dostanbek Tashbýlatov AQSh-tyń Florıda shtatyna qarasty Planteıshen qalasynda ótip jatqan Orange Bowl International Championships beıresmı álem chempıonatynyń fınalyna shyqty. Bul týraly Qazaqstan tennıs federatsııasynan málim etti, dep habarlaıdy QazAqparat.
Qazaqstandyq jartylaı fınalda Polsha sportshysy Danıel Mıhalskııden 6:3, 1:6, 6:4 esebimen basym túsken bolatyn. Al fınalda ol reseılik Temofeı Skatovty 7:6 (5), 6:7 (6), 7:5 esebimen utqan Frantsýz tennısshisi Ýgo Gastonmen bas júlde úshin saıysqa túsedi.
Aıta keterligi, osy týrnır aıaqtalǵannan keıin Tashbýlatov ITF Juniors reıtınginde álemniń úzdik 50 tennisshisiniń qataryna kiredi. Al bul jaıt onyń Australian Open-2018 jasóspirimder arasyndaǵy negizgi sette óner kórsetýine múmkindik beredi.
