Qazaqstandyq tennısshi áıelder juptasyp óner kórsetýden Madrid Open jarysynyń ekinshi aınalymyna shyqty
ALMATY. 9 mamyr. QazAqparat - Qazaqstandyq tennısshiler Galına Voskoboeva men ıAroslava Shvedova Ispanııanyń Madrıd qalasynda ashyq kordta ótip jatqan WTA serııasyndaǵy Premier Mutua dárejesindegi Madrid Open jarysynyń ekinshi aınalymyna shyqty.
Olar búgin alǵashqy aınalymda amerıkandyq Rakel Kops-Djons pen Ebıgeıl Spırs jubynan 6:3, 7:5 esebimen basym tústi. Olardyń kelesi qarsylasy ıspandyq Anabel Medına Garrıges pen Aranta Parra-Santonha bolmaq.
Júlde qory 5 189 603 dollardy quraıtyn dúbirli doda 5 mamyrda bastalǵan bolatyn. Onda qazaqstandyq sportshylar erler arasynda da, áıelder arasynda jekeleı synda sátsiz óner kórsetti. 13 mamyrǵa deıin sozylatyn bul básekede endi juptyq saıysta tek Galına men ıAroslava ǵana qaldy. Al byltyr belarýs Vıktorııa Azarenko men reseılik Marııa Kırılenko, erler arasynda amerıkandyq Bob Braıan men Maık Braıan jeńimpaz atanǵan bolatyn. Al jekeleı synda erler arasynda serbııalyq Novak Djokovıch, áıelder arasynda cheh Petra Kvıtova úzdik shyqty.
