Qazaqstandyq tennısshi Argentınadaǵy jarystyń shırek fınalyna shyqty
ASTANA. QazAqparat – Qazaqstandyq, álemniń 235-raketkasy Dmıtrıı Popko Býenos Aıres 2 (Argentına) chellendjer jarysynyń shırek fınalyna shyqty, dep habarlaıdy QazAqparat tilshisi.
Qazaqstandyq tennısshi bastapqy kezdesýin álemniń 164-inshi, osy dodanyń 7-raketkasy, argentınalyq Santıago Rodrıges Tavernamen ótkizdi.
D.Popko 2 saǵat 41 mınýtqa sozylǵan tartysty matchta qarsylasyn 7:6 (10:8), 0:6, 7:5 esebimen tize búktirdi.
Dmıtrıı Popko ekinshi aınalymda dúnıejúzilik reıtıngte 482-orynda turǵan brazılııalyq Ýılson Laıtemen sheberlik baıqasty.
Birinshi partııada Ý.Laıte 2:0 esebimen alǵa shyqqanymen, qazaqstandyq sportshy tarazy basyn teńestirip qana qoımaı, ózine aýdara bildi – 6:4.
Ekinshi sette de Dmıtrıı sol qarqynynan jańylǵan joq – 6:3.
Bir saǵat 23 mınýtqa sozylǵan báseke barysynda D.Popko 5 eıs jasap, 13 breık-poınttyń altaýyn paıdalandy.
Qazaqstandyq tennısshi jartylaı fınalǵa shyǵý úshin álemniń 96-ynshy, dodanyń 2-raketkasy, germanııalyq Danıel Altmaıer nemese reıtıngte 349-satydaǵy argentınalyq Roman Andres Býrrýchaganyń bireýimen talasady.
Qazaqstandyqtar Andreı Golýbev pen Aleksandr Nedovesov juptyq synda Sofııa (Bolgarııa) ATP 250 týrnıriniń jartylaı fınalyna shyǵa almady.
Qazaqstandyq jup shırek fınalda jarystyń 4-raketkalary, monakolyq Hıýgo Nıs – polıak ıAn Zelınskıden jeńilis tapty – 1:6, 5:7.
Sondaı-aq Anna Danılına men chehııalyq Djesıka Malechkovanyń Parma (Italııa) WTA 250 dodasynda joly bolmady. Olar shırek fınalda chehııalyqtar Anastasııa Detıýk – Mırıam Kolodzıeevaǵa ese jiberdi – 0:6, 4:6.
Eske sala keteıik, budan buryn qazaqstandyq tennısshiniń Lıssabonda týrnırdiń úshinshi raketkasyn utqanyn jazǵan bolatynbyz.
