Qazaqstandyq tennısshi Anna Danılına Praga jarysyn jeńispen bastady
NUR-SULTAN. QazAqparat – Qazaqstandyq tennısshi Anna Danılına Praga chellendjer týrnırin jeńispen bastady, dep habarlaıdy QazAqparat tilshisi.
Reıtıngte 277-orynda turǵan A.Danılına bastapqy kezdesýin álemniń 168-inshi, osy jarystyń 15-raketkasy, Nıderlandy ókili Leslı Kerkhovemen ótkizdi.
Birinshi partııada nıderlandylyq sportshy taı-breıkte basym tústi – 7:6 (7:5). Degenmen osydan keıin qazaqstandyq tennısshi tarazy basyn ózine aýdara bildi – 7:5, 6:1.
Báseke 2 saǵat 24 mınýtqa sozyldy.
A.Danılına ekinshi aınalymda álemniń 211-raketkasy, túrkııalyq Pemra Ozgenmen sheberlik baıqasady. Ol 3 saǵat 25 mınýtqa sozylǵan asa tartysty matchta álemniń 195-raketkasy, serbııalyq Natalıa Kostıchtiń meselin qaıyrdy – 7:5, 6:7 (7:9), 6:4.
Kóptegen tennısshiler baq synap jatqan bul doda 6 qyrkúıekte márege jetedi.
Eske sala keteıik, budan buryn Andreı Golýbevtiń Italııadaǵy jarystyń chempıony atanǵanyn, qazaqstandyq tennısshilerdiń AQSh-tyń ashyq chempıonatyndaǵy qarsylastary belgili bolǵanyn jazǵan edik.
