Qazaqstandyq tennısshi Anna Danılına Brazılııada ótken halyqaralyq týrnırdiń eki márte jeńimpazy boldy
ASTANA. 26 naýryz. QazAqparat - Qazaqstandyq jas tennısshi Anna Danılına Brazılııada ITF-Junior serııasy boıynsha ótken "29th Copa Gerdau de Tenis" halyqaralyq týrnırinde jeńimpaz boldy.
Atalmysh sport básekesinde 10 nómirde óner kórsetken A.Danılına birinshi aınalymda kolýmbııalyq Laýra ıÝkrýsty 6:1 jáne 7:5 esebimen oısyratty. Ekinshi aınalymda slovakııalyq sportshy Natalıa Vojdovany 6:1 jáne 6:4 esebimen tize búktirdi. Úshinshi aınalymda amerıkandyq Densı Stardan 6:4 jáne 6:4 esebimen basym tústi. Al shırek fınalda ol alań ıesi - brazııalııalyq Laýra Pıngossımen kezdesip, ony da 6:4 jáne 6:4 esebimen jeńse, jartylaı fınalda AQSh tennısshisi Tornado Alısııaǵa qarsy shyǵyp, ony taǵy da 6:4 jáne 6:4 esebimen jeńdi.
Aqtyq oıynda jerlesimiz qaıtadan brazılııalyq sportshymen baq synasty. Bul kúngi jarysqa jınalǵan jankúıerlerdiń barlyǵy Beatrıs Hadad Maııýǵa qol soǵyp, onyń osy týrnırdiń jeńimpazy atanatynyna senimdi boldy. Alaıda, brazılııalyq sportshy jankúıerlerdiń senimin aqtaı almady. Esep - 6:2 jáne 6:3. A.Danılına osylaısha, Brazılııada ótken týrnırdiń eki márte jeńimpazy atandy.
Qazaqstandyq tennısshi sonymen qatar, osy týrnırdiń juptyq oıyndarynyń da jeńimpazy boldy. Bul jarystyń aqtyq oıyndarynda ol Anna polıak Zýzana Matsıevskamen birlesip, perýlik Fernı Andjeles Paz ben argentınalyq Marııa Konstantsa de las Mersedes Veganyń jubyn 2:6, 6:3 jáne 10:1 esebimen oısyrata jeńdi.
