Qazaqstandyq tennısshi Andreı Golýbev Kýala-Lýmpýrdaǵy ATR týrnıriniń fınalyna shyqty
ASTANA. Qazannyń 4-i. QazAqparat - Qazaqstandyq tennısshi Andreı Golýbev Kýala-Lýmpýrda ótip jatqan Kásipqoı tennısshiler qaýymdastyǵy (ATR) týrnıriniń fınalyna shyqty. Bul týraly QR Tennıs federatsııasynan málim etti.
Qazannyń 2-si kúni ótken jartylaı fınalda Qazaqstannyń birinshi raketkasy Andreı Golýbev, ATR reıtıngisiniń 11-shi ornynda ornalasqan ıspandyq Davıd Ferrerany 7:5, 7:6 esebimen utty. Match 1 saǵat 46 mınýtqa jalǵasty.
Qazaqstandyq tennısshi óziniń karerasyndaǵy ekinshi tıtýly úshin ATR reıtıngisiniń 9-shy ornynda ornalasqan reseılik Mıhaıl ıÝjnyımen baq talastyrady.
A.Golýbev ATR týrnıriniń aqtyq saıysyna osymen úshinshi ret joldama alyp otyr. Ol sheshýshi matchqa alǵash ret 2008 jyly Sankt-Peterborda qol jetkizdi. Onda A.Golýbev brıtandyq Endı Marreden 1:6, 1:6 esebimen jeńilgen bolatyn.
2010 jyldyń shilde aıynda qazaqstandyq tennısshi Gambýrgte ótken ATR týrnırinde jeńiske jetip, bul týrnırde jeńis tuǵyryna jetken Qazaqstannyń alǵashqy tennısshisi atandy. Týrnırdegi 6 matchta Andreı birde-bir sette utylmaı, álemniń 13-shi raketkasy ıÝrgen Meltserdy basyp ozǵan bolatyn.
Kýala-Lýmpýrdaǵy ATR serııasyndaǵy tennıs týrnıriniń júlde qory 850 myń AQSh dollaryn quraıdy.
ATR (Association of Tennis Professionals) - Kásipqoı tennısshiler qaýymdastyǵy tennıstegi kásibı oıynshylardyń múddelerin qorǵaý jáne ókildik etý maqsatynda 1972 jyly quryldy.
