Qazaqstandyq tennısshi Andreı Golýbev Germanııada jeńiske jetti
ASTANA. Shildeniń 26-sy. QazAqparat /Murat Jakeev/ - Qazaqstandyq tennısshi Andreı Golýbev Gambýrgte ótken ATR týrnıriniń aqtyq kezeńinde jeńiske jetip, óz jankúıerlerin qýantyp tastady. Álemdik tennıstiń tańdaýly ókilderi qatysqan bul jarysta qazaqstandyq sportshy absolıýttik chempıon atandy jáne mansabyndaǵy alǵashqy tıtýlyn jeńip aldy.
Ázirge álemniń 82-shi raketkasy sanalatyn Andreı Golýbev fınaldyq kezdesýde álemniń 15-shi raketkasy avstrııalyq ıÝrgen Meltserdi 6:3, 7:5 esebimen jeńdi.
Gambýrg týrnırindegi tıtýl Andreıdiń mansabyndaǵy alǵashqy ataq. Esterińizge sala keteıik, Gambýrgte ótken týrnırdiń júldelik qory jarty mıllıonnan astam eýrony quraıdy. Bul chempıonattaǵy jeńis qazaqstandyq sportshyǵa 228 myń eýro júlde qoryn jáne 500 reıtıngilik upaı sanyn ákelip otyr.
