Qazaqstandyq tennısshi Andreı Golýbev Avstralııadaǵy «Chellendjerde» juptyq básekede jeńimpaz atandy
ASTANA. QazAqparat - Heppı Vellıde (Avstradııa) júlde qory 75 myń dollardy quraǵan tennıstik «Chellendjer» aıaqtaldy, dep habarlaıdy Sports.kz.
Juptyq jarystardyń fınalynda Andreı Golýbev (Qazaqstan) men Matteo Donatıdiń (Italııa) juby 1 saǵat, 18 mınýttyń ishinde sýper taı-breıkte basqa halyqaralyq jup - taǵy bir qazaqstandyq Aleksandr Nedovesov pen Ýkraına sportshysy Denıs Molchanovtan basym tústi, oıyn esebi - 3:6, 7:6 (5), 10:1.
