Qazaqstandyq tennısshi álemdik reıtıngte rekordtyq kórsetkishine qol jetkizdi

ASTANA. QazAqparat – Qazaqstandyq tennısshi Tımofeı Skatov álemdik reıtıngte rekordtyq kórsetkishine qol jetkizdi, dep habarlaıdy QazAqparat tilshisi.

Qazaqstan tennıs federatsııasynan málim etkendeı, Kásibı tennısshiler qaýymdastyǵy (ATP) jarııa etken jańartylǵan reıtıngte Aleksandr Býblık 36-ornynda qaldy.

Qazaqstannyń ekinshi raketkasy Tımofeı Skatov Chılıdegi chellendjer jarysynyń fınalyna deıin jetýi nátıjesinde 144-ten 129-satyǵa kóterildi.

Oǵan deıin onyń úzdik kórsetkishi 141-oryn bolatyn. Sóıtip ol TOP-100-ge enýge jaqyndap keledi.

Beıbit Jýkaev 170-ten 168-ge aýyssa, Mıhaıl Kýkýshkın, Denıs Evseev, Dmıtrıı Popkonyń reıtıngtegi jaǵdaıy nasharlap ketti.

Juptyq synda Andreı Golýbev 49-dan 48-ge joǵarylasa, Aleksandr Nedovesov 59-dan 65-ke syrǵydy.

Erler arasynda qazaqstandyq tennısshilerdiń orny mynadaı:

36 (0). Aleksandr Býblık – 1095

129 (+15). Tımofeı Skatov – 257

214 (-18). Mıhaıl Kýkýshkın – 284

305 (+2). Beıbit Jýkaev – 168

335 (-30). Denıs Evseev – 145

324 (-32). Dmıtrıı Popko – 120

975 (-1). Grıgorıı Lomakın – 12.

Eske sala keteıik, budan buryn Novak Djokovıchtiń onynshy ret Aýstralııa chempıony atanǵanyn jazǵan edik.

Sondaı-aq Zańǵar Nurlanuly alǵash ret ITF Juniors týrnırinde chempıon atandy.

Al Tımofeı Skatov Chılıdegi týrnırdiń fınalynda jeńilip qaldy.

Qazaqstan tarıhynda alǵash ret Elena Rybakına 10-raketka atandy.

Foto: Qazaqstan tennıs federatsııasy