Qazaqstandyq tennısshi álemdik reıtıngide jeke rekordtyq nátıjege qol jetkizdi
ASTANA. QazAqparat – Kásibı tennısshiler qaýymdastyǵy (ATP) jańartylǵan álemdik reıtıngini jarııa etti, dep habarlaıdy QazAqparat tilshisi.
Qazaqstannyń birinshi raketkasy Aleksandr Býblık 44-ornynda qalsa, Mıhaıl Kýkýshkın 221-den 214-ke, Dmıtrıı Popko 227-den 219-ǵa kóterildi.
Sondaı-aq Tımofeı Skatov 243-ten 242-ge, Denıs Evseev 265-ten 263-ke joǵarylady.
Ótken aptada Ystanbul chellendjer týrnırinde tabysty óner kórsetip, shırek fınalǵa deıin jetken Aqtaý tennıs mektebiniń túlegi Beıbit Jýkaev 357-den birden 323-orynǵa sekirdi. Bul – onyń álemdik reıtıngidegi jeke rekordy.
Juptyq synda Andreı Golýbev 50-inshi, Aleksandr Nedovesov 59-ynshy, A.Býblık 159-ynshy, Grıgorıı Lomakın 204-orynda keledi.
Osy aptada Aleksandr Býblık jekeleı synda Metts (Frantsııa) ATP 250 jarysynda óner kórsetedi. Dodanyń 7-raketkasy bolyp tirkelgen onyń qarsylasy keıin anyqtalady.
Eske sala keteıik, budan buryn Jibek Qulambaevanyń bıylǵy besinshi tıtýlyna qol jetkizgenin jazǵan bolatynbyz.
Sondaı-aq Elena Rybakına Slovenııadaǵy týrnırdiń fınalynda utylyp qaldy.
Tennısten Devıs kýbogynda Qazaqstan quramasy sońǵy matchyn ótkizdi.
Elena Rybakına álemdik reıtıngide 22-orynǵa kóterildi.
