Qazaqstandyq tennısshi Aleksandr Býblık Gallede sátti óner kórsetýde
ASTANA. QazAqparat - Qazaqstandyq tennısshi Aleksandr Býblık Gallede ótken irikteý syndarynda jeńiske jetti, dep habarlaıdy Sports.kz.
Reseılik Andreı Kýznetsov Galledegi týrnırdiń irikteý synynyń birinshi raýndynda Qazaqstan ókiline 6:2, 4:6, 4:6 esebimen jol berdi.
Tennısshiler kortta 1 saǵat 27 mınýt óner kórsetti. ATR reıtınginde 79-shy orynda turǵan Týlanyń 26 jastaǵy týmasy bir eıs jasap, eki qos qatelik jiberdi.
Sportshylardyń ekeýi de eki breıkten jasady. Negizgi setkaǵa shyǵý úshin Býblık nemis Maksımılıan Marterermen oınaıdy. Ol eki taı-breıkte ózbekstandyq Denıs Istomındi jeńgen bolatyn.
