Qazaqstandyq tennısshi AQSh-taǵy týrnırdiń jartylaı fınalyna shyqty
NUR-SULTAN. QazAqparat – Qazaqstannyń juptyq syndaǵy birinshi, álemniń 20-raketkasy Anna Danılına serbııalyq Aleksandra Krýnıchpen birge Klıvlend (AQSh) WTA 250 týrnıriniń jartylaı fınalyna shyqty, dep habarlaıdy QazAqparat tilshisi.
Jarystyń 4-raketkalary bolyp tirkelgen A.Danılına men A.Krýnıch shırek fınalda japonııalyq Mııý Kato – ındonezııalyq Aldıla Sýtdjıadımen sheberlik baıqasty.
Birinshi partııada qazaqstandyq-serbııalyq jup basymdylyq tanytty – 6:2.
Ekinshi sette japonııalyq-ındonezııalyq dýet taı-breıkte sátti oınady – 7:6 (7:4).
Sýper taı-breıkte A.Danılına men A.Krýnıch jeńisti julyp aldy – 10:7.
Saǵat jarymnan astam ýaqytqa sozylǵan tartysty básekede qazaqstandyq-serbııalyq jup 2 eıspen birge 12 breık-poınttyń jartysyn múlt jibermedi.
A.Danılına men A.Krýnıch fınalǵa shyǵý úshin dodanyń 1-raketkalary, chehııalyqtar Barbora Kreıchıkova – Katerına Sınıakovamen talasady.
Taǵy bir qazaqstandyq Mıhaıl Kýkýshkın AQSh ashyq chempıonaty irikteý saıystarynyń fınalyna shyǵa almady. Ol ıspanııalyq Fernando Verdaskoǵa jol berdi – 6:7 (4:7), 3:6. Endi F.Verdasko reseılik Pavel Kotovty jeńse, negizgi týrnırge ótedi.
Eske sala keteıik, budan buryn Dmıtrıı Popkonyń AQSh ashyq chempıonatynyń irikteý saıysynda jeńilip qalǵanyn jazǵan bolatynbyz.
Foto: ktf.kz
