Qazaqstandyq tennısshi AQSh-taǵy týrnırde jeńimpaz atandy

ASTANA. QazAqparat – Qazaqstandyq Dmıtrıı Popko AQSh-taǵy Pensakola ITF M25 týrnıriniń jeńimpazy atandy, dep habarlaıdy QazAqparat tilshisi.

Álemniń 419-raketkasy D.Popko jarys barysynda bes kezdesýin de sátti ótkizdi.

Dodanyń tórtinshi raketkasy bolyp tirkelgen qazaqstandyq tennısshi fınalda dúnıejúzilik reıtıngte 923-orynda turǵan amerıkalyq Eıden Kımmen kezdesti.

Dmıtrıı Popko 6:1, 6:4 esebimen aıqyn basymdyqpen jeńiske jetti. Birshama tartysty ótken báseke saǵat jarymnan astam ýaqytqa sozyldy.

Eske sala keteıik, budan buryn Elena Rybakınanyń Rım masters týrnıriniń chempıony atanǵanyn jazǵan bolatynbyz.

Endi Elena Rybakına - álemniń tórtinshi raketkasy. Ol Frantsııa astanasy Parıjde ótetin Rolan Garros jarysyna qatysýǵa daıyn ekenin málimdedi.