Qazaqstandyq tennısshi A.Danılına ITF serııasyndaǵy týrnırdiń shırek fınalyna joldama aldy
ASTANA. 16 tamyz. QazAqparat - Qazaqstandyq tennısshi A.Danılına Qazan qalasynda ótip jatqan júlde qory 50 myń dollardy quraıtyn ITF serııasyndaǵy týrnırdiń shırek fınalyna joldama aldy.
Bul jaıynda sports.kz saıty Halyqaralyq tennıs qaýymdastyǵynyń resmı saıtyna silteme jasap habarlady.
Keshe týrnırdiń ekinshi aınalymynda reseılik Marta Sırotkınaǵa qarsy oınaǵan jerlesimiz 1:6, 7:5, 7:5 esebimen basym tústi. Al shırek fınalda A.Danılına ýkraındyq sportshy Valentına Ivachenkoǵa qarsy shyǵady.
