Qazaqstandyq tennıs tóreshisi ómiriniń sońyna deıin sertıfıkattan aıyryldy
ASTANA. QazAqparat - Tennıstiń eki tóreshisi qupııa túrde shettetildi, taǵy tórteýine Halyqaralyq tennıs federatsııasy (ITF) ómirleriniń sońyna deıin qandaı da bir sport túrinde jumys isteýge tyıym salýy yqtımal.
Másele Qazaqstan, Túrkııa jáne Ýkraına tóreshileri týraly bolyp otyr. Olar onlaın rejimindegi matchtardyń qorytyndylaryna aıla-sharǵy jasaǵany, býkmekerlik kompanııalardan para alǵany úshin aıyptalyp otyr.
2015 jyly qazaqstandyq tóreshilerdiń biri Kırıll Parfenov basqa tóreshilermen Facebook arqyly match qorytyndylaryna aıla-sharǵy jasatý áreketi úshin ómiriniń sońyna deıin sertıfıkatynan aıyryldy.
Sondaı-aq býkmekerlik kompanııanyń saıtynda tennıs matchtaryna aqsha tigilgen akkaýntty udaıy paıdalanǵany úshin 2015 jyldyń tamyzynda 12 aıǵa shettetilgen Horvatııa tóreshisi Denıs Pıtnerdiń tóreshilik etý quqyǵynan aıyrý jaıy jasyrylǵan, dep jazady sports.kz.
