Qazaqstandyq teńizshiler Neva men Fın shyǵanaǵynda korabldi praktıkadan ótti
Bul týraly QR Qorǵanys mınıstrliginiń baspasóz qyzmetinen habarlady.
QR Áskerı-teńiz kúshteriniń áskerı qyzmetshileri Sankt-Peterborda shamamen 5 aı boldy. Korabl ekıpajy RF Áskerı-teńiz floty áskerı oqý-ǵylymı ortalyǵy sheteldik áskerı qyzmetshilerdi daıyndaý ortalyǵynyń bazasynda teorııalyq daıyndyqtan oıdaǵydaı ótip, Neva ózeni men Baltyq teńiziniń Fın shyǵanaǵynda korabldi praktıkadan ótti. Sondaı-aq, korabldiń zaýyttyq júris synamalaryna qatysty. Mına-tartqysh korabli QR QK-degi mundaı úlgidegi alǵashqy keme bolyp tabylatynyn eskere otyryp, ekıpaj konkýrstyq negizde irikteldi. Ol úshin arnaıy komıssııa quryldy. Osy korablde qyzmet jasaǵysy kelgen áskerı qyzmetshiler dene daıarlyǵyn, áskerı-teńiz isin bilý boıynsha synaq tapsyrdy.
Sankt-Peterborda, olardyń arasynda mına-tartqysh korabliniń komandıri, komandırdiń kómekshisi, jaýyngerlik bólimderdiń komandırleri, komanda starshınalary men jaýyngerlik bólimderdiń tehnıkteri bar 12 teńizshi áskerı qyzmetshi korablde oqyp-úırenip, onyń qurastyrylýy barysynda kemeniń tehnıkalyq sıpattamalaryn zerdeledi. Sankt-Peterbor qalasyndaǵy Nevsk keme qurastyrý zaýytynda qazaqstandyq armııanyń jaraqtandyrylýy úshin sý jańa mına súzetin korabli qurastyrylǵanyn esterińizge sala keteıik. Mundaı tartqysh óz óndirisinde birden-bir bolyp keledi jáne kompozıttik materıaldardan jasalǵan jańa úlgidegi jańǵyrtylǵan korabl bolyp tabylady. Korabl bazanyń sý aıdyndaryn, kemejaılardy, farvaterler men jaǵa mańynyń bóligin mınaǵa qarsy qorǵaý úshin arnalǵan. Bul kemeniń paıdalanylýǵa berilýi qazaqstandyq Áskerı-teńiz kúshteriniń jaýyngerlik qabilettiligin arttyrýǵa múmkindik týǵyzady.
