Qazaqstandyq teńizshiler Koreıada teńiz floty jarysyna qatysyp jatyr

ASTANA. QazAqparat - Qazaqstannyń áskerı delegatsııasy ІІІ halyqaralyq teńiz floty jarysyna qatysyp jatyr, dep habarlaıdy QazAqparat qorǵanys mınıstrliginiń baspasóz qyzmetine silteme jasap.

Qazaqstandyq delegatsııa Koreıa Respýblıkasynyń Chedjý aralynda ótip jatqan ІІІ halyqaralyq teńiz flotynyń jarysyna baqylaýshy retinde qatysyp jatyr. Qazaqstandyq komandaǵa QR QK Áskerı-teńiz kúshteriniń bas qolbasshysy, 1-dárejeli kapıtan Sáken Bekjanov jetekshilik etti.

III halyqaralyq teńiz flotynyń baıqaýy Koreıa Respýblıkasy Qarýly Kúshteri qurylýynyń 70 jyldyǵyna oraı ótkizilýde. Koreıalyq tarap qatysýshylar men saıys qonaqtary úshin birqatar is-sharalar uıymdastyrdy. Oqý kórsetilimi men Koreıa Respýblıkasy, Indonezııa, Kanada, Vetnam, Malaızııa, Aýstralııa jáne Japonııa teńiz floty korablderiniń merekelik sherýi boldy.

Odan basqa, QR ÁTK delegatsııasy teńiz qorǵanys ónerkásibiniń halyqaralyq kórmesin tamashalap, Tynyq muhıty Batys bóliginiń áskerı sımpozıýmyna qatysady. Sapar aǵymdaǵy jyldyń 14 qazanynda aıaqtalady.