Qazaqstandyq telebaǵdarlamalar Qytaı jáne Ońtústik Shyǵys Azııada tanymaldylyqqa ıe

ASTANA. QazAqparat - Qytaı jáne Ońtústik Shyǵys Azııa elderinde kórsetiletin qazaqstandyq baǵdarlamalar tanymal bola bastady, dedi QR Aqparat jáne kommýnıkatsııalar vıtse-mınıstri Alan Ájibaev ortalyq kommýnıkatsııalar qyzmetinde ótken baspasóz konferentsııasynda, dep habarlaıdy «QazAqparat» HAA tilshisi.

«Astana Media week» sharasyna sheteldik qonaqtardyń kelýi bizdiń kontentimizge qyzyǵýshylyqtyń bar ekenin bildiredi. Bizdiń telearnalarymyzdan beriletin qazaqstandyq kontenttiń birqatar Azııa memleketterinde tanylýyna alǵashqy qadam jasaldy. Máselen, Qytaı jáne Ońtústik Shyǵys Azııada qazaqstandyq jobalar birshama tanymaldylyqqa ıe», - dedi vıtse-mınıstr.

Ol sondaı-aq, buqaralyq aqparat quraldary naryǵy - bárinen buryn qazaqstandyq prodıýserler men prodakshn-kompanııalar ǵana emes, sheteldik kompanııalardy da tartý bolyp sanalatyndyǵyn aıtty.

«KMO alańy barlyq telearnalar men sheteldik qonaqtarǵa ashyq. Bizge bunyń bastalýy mańyzdy ekenin aıtqym keledi. Biz «Astana Media week» sharasy elimizde turatyn jańa talanttarǵa jol ashady dep senemiz», - dedi A.Ájibaev.

Qazirgi ýaqytta «Qazmedıa ortalyǵynda» batys kompanııalary jumys istep jatyr. Munda tilshilik nysandar ashylyp, medıa salasyna baılanysty kez-kelgen qyzmet túrleriniń jumysy qurylǵan. Astana Ortalyq Azııa, tipti Ońtústik Shyǵys Azııanyń óńirlik habyna aınalady dep senemiz.

Aıta keteıik, QR Aqparat jáne kommýnıkatsııalar mınıstrliginiń tapsyrysymen «Qazmedıa» ortalyǵy uıymdastyrǵan qazaqstandyq medıa-aptalyq «Astana Media Week»2017 jyldyń 4-6 qazany kúnderi «Qazmedıa» ortalyǵy halyqaralyq medıa hab aýmaǵynda ótkizilgen bolatyn. Medıa-aptalyq 2 myńnan astam qatysýshynyń jáne uıymdastyrylǵan 10 shara aıasyndaǵy 103 spıkerdiń basyn qosty.