Qazaqstandyq telearnalar irgeles elderde kórsetilýi múmkin
«Alystaǵy aǵaıyn elden turaqty habar alyp, baılanysta bolǵysy keledi. Qazaqstanda ne bolyp jatqandyǵyn bilgisi keledi. Іstegen isterdi kórgisi keledi. Qazaq sheteldik kórermenderge arnalǵan «Qazaq telearnasy» qandastarymyz turatyn aımaqtardyń birazyn qamtıdy. Biraq bul jetkiliksiz. Úkimetke memlekettik telearnalardy irgeles elderde kórsetý múmkindikterin qarastyrýdy júkteımin. Bul merzimdi baspasózge de qatysty. Birge jumys jasaýy kerek», - dep atap ótti Prezıdent quryltaıdyń ashylýynda.
Bunyń aldynda N. Nazarbaev sheteldik qazaq balalary úshin arnaıy stıpendııalyq baǵdarlama engizýdi júktegen bolatyn . Úkimet sheteldegi qandastarymyz yqsham ornalasqan óńirlerde olardyń ana tilinde bilim alý múmkindikterin qarastyrý kerek ekendigin de aıtqan.
Aıta keteıik, Astanada Elbasy Nursultan Nazarbaevtyń qatysýymen dúnıejúzi qazaqtarynyń V Quryltaıy ótip jatyr.
