Qazaqstandyq tehnıkalyq reglamentterdi ázirleýdiń tártibi qaıta qaralady
Ekonomıkalyq salalarda tehnıkalyq retteýdi kúsheıtý baǵytyna toqtalǵan QR Saýda jáne ıntegratsııa mınıstri Baqyt Sultanov: «Eýrazııalyq ekonomıkalyq odaq aıasynda kelissózder pozıtsııasyn sapaly qalyptastyrý maqsatynda salalyq memlekettik organdar janynda Saraptamalyq keńester qyzmetin qaıta qurý kózdelýde. Qazaqstandyq tehnıkalyq reglamentterdi ázirleýdiń tártibi qaıta qaralady. Bıznes úshin erikti sertıfıkattaý júıesin qurýdyń quqyqtyq tetigi belgilenedi», - dedi.
Onyń aıtýynsha, Qazaqstanda tıisti zerthanalyq praktıkany damytý máselesine asa kóńil bólinedi. Ol úshin ulttyq akkredıtteý ortalyǵyna monıtorıng organynyń fýnktsııalaryn tıisti zerthanalyq praktıkaǵa berý kózdeledi. Bul Ekonomıkalyq yntymastyq jáne damý uıymy (EYDU) elderinde qazaqstandyq synaq hattamalaryn tanýǵa serpin beredi.
«Atalǵan normalar qazaqstandyq taýarlardy syrtqy naryqqa shyǵarý, otandyq óndirýshilerdiń básekelestik artyqshylyǵyn qorǵaýǵa jáne Qazaqstanǵa tıimdi pozıtsııalardy kásibı túrde qorǵaýǵa baǵyttalǵan», - dedi B. Sultanov.
Aıta keteıik, zań jobasynda ishki naryqty «tazartý» eskerilgen. Bul máseledegi zańnamalyq jańalyǵy – sýbektilerdiń baqylaýynan obektilerdiń baqylaýyna kóshý. ıAǵnı óndirýshi nemese satýshy emes, ónimniń ózi tekseriletin bolady.
Sonymen qatar, sertıfıkattaý kezinde synaq nátıjeleriniń durystyǵyn 100 paıyzǵa deıin jetkizý kútilýde jáne sertıfıkattalmaǵan ónimdi tolyq baqylaýǵa alýǵa múmkindik beriledi
«Atalǵan erejelerdi zańnamalyq turǵydan bekitý - aıtarlyqtaı oń nátıjelerge ákeletinin jáne Úkimettiń arsenalynda bar tehnıkalyq retteý ári tutynýshylardyń quqyqtaryn qorǵaý quraldaryn tolyq paıdalanýǵa negizin qalaıdy. Sondaı-aq, usynylyp otyrǵan jana zańnamalyq baza memleket úshin baqylaý-qadaǵalaý qyzmetiniń aıqyndyǵyn arttyrýǵa, qaýipti ónimge naryqqa jol bermeýge, sybaılas jemqorlyq qaýpin tómendetýge, bıznes úshinadal kásipkerlikke jaǵdaı jasaýǵa, tutynýshy úshin neǵurlym sapaly ónimdi tańdaýǵa múmkindik beredi», - dedi mınıstr.
Jalpy otyrysta «Qazaqstan Respýblıkasynyń keıbir zańnamalyq aktilerine tehnıkalyq retteý máseleleri boıynsha ózgerister men tolyqtyrýlar engizý týraly» ilespe zań jobasy da birinshi oqylymda maquldandy.
