Qazaqstandyq teatr halyqaralyq forýmnan bas júldemen oraldy

ASTANA. QazAqparat - Q.Qýanyshbaev atyndaǵy Memlekettik akademııalyq qazaq mýzykalyq drama teatry Máskeýde ótken XVI Halyqaralyq «Zolotoı vıtıaz» teatr forýmynan Gran-prı júldesimen oraldy. Bul týraly QazAqparat teatrdyń aqparat ortalyǵyna silteme jasap habarlaıdy.

Ortalyq málimetterine qaraǵanda, Máskeý qalasynda ótken XVI Halyqaralyq «Zoltoı vıtıaz» teatr forýmyna Reseılik teatrlardan bólek Armenııa, Serbııa, Qazaqstan sııaqty ózge de birqatar shet memleketterdiń teatrlar ujymy qatysty. Forýmnyń komıssııa qatysýshy teatrlardyń qoıylymdaryn tamashalap, úzdik degen spektakldi tańdaǵan. Úzdikterdiń qataryna kirgen Astana qalasynyń Q. Qýanyshbaev atyndaǵy Memlekettik akademııalyq qazaq mýzykalyq drama teatry «Otello» (Avtory: Ý.Shekspır, rej. T. Temenov, Qazaqstannyń Halyq ártisi) tragedııasy somdap, qazylar alqasynyń sheshimimen «Zolotoı vıtıaz 2018» músinshesiniń, ıaǵnı Gran-prı ıegeri atandy. 

Bul - qazaq teatrynyń jemisi, táýelsizdikpen qurdas Q.Qýanyshbaev atyndaǵy Memlekettik akademııalyq qazaq mýzykalyq drama teatrynyń kezekti jeńisi!