Qazaqstandyq taýarlar úshin biryńǵaı logotıpke jarııalanǵan konkýrs jalǵasady

ASTANA. QazAqparat - Konkýrstyq komıssııanyń qaraýyna aıyrym belgileriniń 100 ótinimi kelip tústi jáne osymen shektelmek emes, dep habarlaıdy QR IJTM Jergilikti qamtýdy damytýdyń ulttyq agenttigi («NADLoC» AQ).

Esterińizge sala ketsek, osydan buryn taýar óndirýshiler úshin súıenish bolýy tıis, ónimniń tanymaldylyǵyn arttyra túsetin Qazaqstandyq logotıp ázirleýge konkýrs jarııalanǵan bolatyn.

«Sátti jáne este qalarlyq logotıptiń bolýy - kompanııa tabysynyń negizi bolyp tabylady. Eń aldymen, logotıp - naryqta jaıǵasýdyń biregeı quraly. Tutynýshy kez-kelgen jaǵdaıda kórý beınesin este saqtaıdy, sondyqtan biz qazaqstandyq óndirýshilerdiń elimizde jáne elimizden tys memleketterde tanylatyn biryńǵaı emblemasy bolǵanyn qalaımyz», - dedi Jergilikti qamtýdy damytýdyń ulttyq agenttigi tóraǵasy Q. Bekturǵanov.

Biryńǵaı belgini endirý tájirıbesi kóp elderde bar. Mysalǵa, Avstralııada Úkimettiń tapsyrmasymen marketıngke, jarnamaǵa, tutynýshylardy zańgerlik qoldaýǵa, olarǵa keńes berýge, satylymdardy zertteýge, taldaýǵa jáne brendterdiń jyljýyna ekpin jasaıtyn «Avstralııada jasalǵan» saýda markasy qoldanylady. Argentınada eldiń logotıpi eki jyl boıy birlesken jumys nátıjesinde jasalǵan, ol jumysqa qoǵamnyń ártúrli sala ókilderi qatysqan - resmı ortalar (dálirek, týrızm jáne buqaralyq kommýnıkatsııa quraldary boıynsha hatshylyqtar), qaýymdastyqtar, jeke kompanııalar. Polshalyq ekonomıkanyń qarqyndy jáne zamanaýı ımıdji ulttyq logotıpti jasaý úshin tender belgiledi, ony eldiń ishinde jáne shet elderde keńinen qoldanýǵa bolar edi.

«NADLoC» AQ málimetteri boıynsha, ótinimder Qazaqstannyń barlyq túkpirinen, jeke tulǵalarmen qosa, zańdy tulǵalardan da kelip túsýde, konkýrs 30 qyrkúıekke deıin jalǵasatyn bolady, tolyq aqparat www.nadloc.kz saıtynda.