Qazaqstandyq taýar Kedendik odaq naryǵyna shyqsyn desek, úkimetke bıznes qaýymdastyǵymen birigý kerek - J.Aıtjanova
áýirdiń 20-y. QazAqparat /Aıdar Ospanalıev/ - «Kedendik odaqtyń normatıvti-quqyqtyq bazasyn daıyndaýda ulttyq ekonomıkanyń múddesine saı jumys isteý kerek», dedi búgin Ekonomıkalyq damý jáne saýda mınıstri Janar Aıtjanova.
Bul týraly ol búgin bıylǵy jyldyń birinshi toqsanyndaǵy elimizdiń áleýmettik-ekonomıkalyq damý qorytyndylaryna arnalǵan úkimet otyrysynda málim etti, dep habarlaıdy QazAqparat.
Mınıstrdiń sózine qaraǵanda, osy ýaqytta alys shet memleketterden keletin taýarlarǵa qarasty odaqqa múshe úsh memleket tarapynan biryńǵaı saýda saıasaty júrgizilip otyr. «Endigi kezekte biz ózara saýdany tereńdetemiz. Naqtyraq aıtqanda, 2010 jyldyń shilde aıynyń 1-inen bastap, Kedendik odaqtyń Keden kodeksi kúshine enedi. «Osyǵan baılanysty qazaqstandyq taýarlardyń Kedendik odaq naryǵyna shyǵýy úshin jáne shıkizattan tys ónerkásip salalaryna ınvestıtsııa tartý úshin úkimetke otandyq bıznespen barynsha birlesip jumys isteý kerek», dedi J.Aıjanova.
