Qazaqstandyq tasymaldaýshylardan 2014 jylǵa arnalǵan sheteldik ruqsat-blankilerine jyldyq tapsyrysty qabyldaý aıaqtaldy
ASTANA. 22 qazan. QazAqparat - Kóliktik baqylaý komıteti 2014 jylǵa arnalǵan sheteldik ruqsat-blankilerine jyldyq tapsyrysty qabyldaýdy aıaqtady,
dep habarlady Kólik jáne kommýnıkatsııa mınıstrliginiń baspasóz qyzmetinen.
Qazaqstandyq tasymaldaýshylardyń halyqaralyq júk tasymalyn júzege asyrýyna ruqsat beretin ruqsat-blankilerine degen birjyldyq suranysy 40 el boıynsha berilgen tapsyrysqa sáıkes 197 890 qurap otyr. Aǵymdaǵy jyly tapsyrys elektrondyq úkimettiń www.egov.kz. portaly arqyly qabyldandy.
Suranystyń kóptigin eskere otyryp, QR Kólik jáne kommýnıkatsııa mınıstrliginiń Avtomobıl kóligi departamenti kelesi jylǵa beriletin ruqsat-blankileriniń qajetti sanyna qol jetkizý úshin keıbir elderdiń kóliktik vedomstvolarymen kelissózder júrgizýge kirisip ketti.
Kóliktik baqylaý komıtetiniń aqparatyna sáıkes ruqsat-blankilerin bólý úderisin avtomattandyrýǵa baılanysty aǵymdaǵy jyly berilgen ruqsat-blankileriniń sany 27% artqan.
Atalǵan protsesti avtomattandyrý, atap aıtqanda esepteý formýlasyn qoldaný tasymaldaýshylarǵa ruqsat-blankilerin bólý protsesiniń ashyqtyǵyn jáne ádil ótýin qamtamasyz etti.
Búgingi kúni atalǵan ruqsat-qujatyn alý úshin tasymaldaýshy elektrondyq úkimettiń www.egov.kz portalyna tıisti ótinimdi joldaýy qajet. Júıe blankilerdi avtomatty túrde kólik sanyna sáıkes bóledi. Al, ruqsat-qujattaryn tasymaldaýshylar burynǵydaı kólik ınspektsııalarynan emes, halyqqa qyzmet kórsetý ortalyqtarynan baryp alady.
Qazirgi ýaqytta avtomattandyrylǵan júıeniń kómegimen bólingen ruqsat-blankisiniń sany 50719 qurap otyr.
