Qazaqstandyq tarıhshylardyń sheteldik issaparlaryn Syrtqy ister mınıstri erekshe baqylaýǵa alýy tıis - M.Tájın

ASTANA. 25 qyrkúıek. QazAqparat - Qazaqstandyq tarıhshylardyń sheteldik issaparlaryn Syrtqy ister mınıstri erekshe baqylaýǵa alýy tıis. Búgin Aqordada ótken ulttyq tarıhty zerdeleý jónindegi vedomstvoaralyq jumys tobynyń úshinshi otyrysynda QR Memlekettik hatshysy Marat Tájın osylaı dedi.

Búgingi jıynǵa elimizdiń Syrtqy ister birinshi vıtse-mınıstri Rápil Joshybaevtyń arnaıy shaqyrylǵanyn atap óte kele M.Tájın: «Bizdi muraǵatshylarmyzdyń ǵana emes, sonymen birge jalpy tarıhshylarymyzdyń saparlarynyń jalǵasýymen baılanysty máselelerdi de erekshe nazarǵa alyńyzdar. Ázirshe saparlar barysynda qıyndyq týyndaı qoıǵan joq. Elshiler mán-jaıdan habardar bolyp, barlyq elderde qoldaý kórsetti. Dál osy qarqynmen jumysty jalǵastyrý qajet», - dedi.