Qazaqstandyq tanymal sýretshi Q.Altynbekov Vengrııa prezıdentiniń ordenimen marapattaldy
ASTANA. QazAqparat - Qazaqstannyń belgili sýretshisi Q.Altynbekov Vengrııada «Rytsarlyq Krest» ordenimen marapattaldy.
Bul týraly QR SІM baspasóz qyzmetinen habarlaıdy.
Vengrııanyń prezıdenti ıAnosh Ader belgili qazaq sýretshisi, «Qyrym araly» ǵylymı-qalpyna keltirý zerthanasynyń negizin qalaýshysy jáne basshysy, QR Sýretshiler odaǵynyń múshesi, QR Sýretshiler Akademııasynyń akademıgi Qyrym Altynbekovty mádenı-tarıhı murany saqtaýǵa sińirgen zor eńbegi úshin «Rytsarlyq Krest» ordenimen marapattady. Vengrııa prezıdentiniń atynan ordendi qylqalam sheberine 14 naýryz kúni Vengrııa óńirlik damý mınıstri Shandor Fazekesh tapsyrdy. Marapattaý rásimi 1848-1849 jj. 15 naýryzda bolǵan Vengrııadaǵy bostandyq úshin boı kótergen kóterilis pen tóńkeristiń 165 jyldyǵyna oraı uıymdastyryldy. Q.Altynbekovtiń «Uly dala mádenıeti» mádenı-tarıhı murasyn saqtaý salasyndaǵy eńbekteriniń kórmesi Vengrııa astanasy Býdapeshtte, sondaı-aq Debretsen, Kestheı jáne Balatonsemesh qalalarynda ótti. Kórmege kelýshiler qazirgi madıarlarmen týystyq baılanysy bar dalalyq kóshpeli halyqtyń mádenıeti men turmys-saltyn beıneleıtin biregeı jádigerlermen tanysty.
