Qazaqstandyq tanymal mánerlep syrǵanaýshy Denıs Ten Astanada qoltańba-sessııasyn ótkizedi
2015 jyldyń 29 jeltoqsan kúni saǵat 12:00-de «ASTANA MALL» oıyn-saýyq kesheninde elimizdiń ataqty sport juldyzy Denıs Tenniń qatysýymen baspasóz máslıhaty ótedi. Sonymen qatar sportshymen birge foto jáne qoltańba-sessııalaryn ótkizý josparlanǵan. Bul týraly «Samuryq-Qazyna» AQ baspasóz qyzmeti haarlady.
Denıs Ten - jekeleı dárejede konkımen mánerlep syrǵanaýshy, Qazaqstan Respýblıkasynyń eńbegi sińgen sport sheberi. 2014 jylǵy qysqy Olımpıada oıyndarynyń qola júldegeri. 2013 jylǵy mánerlep syrǵanaýdan Álem chempınatynyń kúmis júldegeri, 2015 jyldyń tórt qurlyqtyń chempıony, 7-shi Azııa oıyndarynyń chempıony, ISU uranymen ótkizilgen kóptegen halyqaralyq saıystardyń jeńimpazy, Qazaqstan Respýblıkasynyń úsh márte chempıony. Bas demeýshisi «Samuryq-Qazyna» AQ bolyp tabylatyn «Astana» Prezıdenttik kásipqoı sport klýbynyń múshesi.
Sportshy bıylǵy jyldy da tabysty aıaqtady. Qarasha aıynda Germanııada ótken NRW Trophy týrnırinde ekinshi oryn alsa, jeltoqsan aıynyń basynda Horvatııadaǵy Golden Spin týrnıriniń bas júldesin ıelendi.
Baspasóz máslıhaty barysynda Denıs Ten 2015 jyldyń qorytyndysyn shyǵaryp, bolashaq josparlarymen bólispek oıda.
