Qazaqstandyq tanymal ázilkesh «Biz birdeımiz» ánin 10 tilde oryndady
NUR-SULTAN. QazAqparat - Qazaqstandyq tanymal ázilkesh Danııar Jumadilov jer betindegi adamdardyń birligi, birdeı ekendigi týraly ándi 10 tilde oryndap, beınebaıan túsirdi, dep habarlaıdy QazAqparat.
Danııar Jumadilov «Biz birdeımiz» ánine túsirilgen beınebaıandy Instagram paraqshasyna saldy.
Eki kún ishinde beınebaıandy 45 myń adam kórip úlgergen.
«Sońǵy ýaqytta bolyp jatqan oqıǵalar adamzattyń adamgershilik uǵymyn umytyp bara jatqandyǵynan habar etedi. Ultqa bólinip, baıbalam salýdyń qajeti joq. Adamdardy násiline qarap emes, adamgershilik qasıetterine qarap baǵalaıyqshy», - dep jazdy ol.
Ol atalǵan ándi ýkranın, aǵylshyn, ıvrıt, nemis, túrik, ıspan, parsy, qazaq jáne basqa tilderde oryndady.
