Qazaqstandyq tank ekıpajdarynyń álem chempıonatyna daıyndyǵy pysyqtaldy
«Tank bıatlony» áskerı oıyny, Reseıde 2014 jyldan bastap ótkizilip keledi. Qazaqstan bul sharaǵa 2014 jyldan bastap turaqty qatysýda. Tank bıatlony jeke jáne komanda bolyp jarysatyn eki kezeńnen turady.
Basty talap arnaıy kedergilerden súrinbeı ótip, belgilengen qashyqtyqty jyldam meńgerý. Jarys áskerı tájirıbeni pysyqtaý men áskerı tehnıkany meńgerý mashyqtyǵyn tekserýge arnalǵan.
Qazaqstandyq tankshilerdiń Aıagózdiń «Baılın» polıgonyndaǵy tank bıatlony jarysyna daıyndyq barysyna toqtala kele, «Bıylǵy daıyndyqty erte bastadyq, aldaryńyzda Qazaqstan boıynsha úzdik dep tańdalynyp alynǵan ekıpajdar óz daıyndyqtaryn kórsetýde. Qazirde tankti meńgerý men kedergilerden ótý joǵary nátıjede , endigi maqsat ýaqyt jyldamdyǵyn pysyqtaý. Atalǵan sharada biz áskerı shyńdalýymyzdy kórsetip qana qoımaı, áskerdegi úzdik tájirıbemizdi pash etemiz. Tank bıatlony chempıonaty qatysýshy elderdiń qarýly kúshteriniń áskerı yntymaqtastyǵymen jaýyngerlik dostastyǵyn nyǵaıtýǵa baǵyttalǵan dedi, Astana óńirlik qolbasshysynyń jaýyngerlik daıarlyq boıynsha orynbasary, polkovnık ıÝrıı Asqarov.
Qazaqstandyqkomandada 21 ásker, onyń 4-ýi ekıpaj músheleri. Jattyǵý daıyndyǵy T-72A tankisimen arnaıy polıgonda júrýde.
«Tank bıatlony jarysyna 6 jyl qatarynan qatysyp kelemin, men úshin Qazaqstan Qarýly kúshteriniń myqtylyǵyn álem elderi aldynda kórsetý úlken abyroı jáne jaýapty is. Tank bıatlonynda ekıpajdardyń eń joǵarǵy kórsetkishi 19 mınýt, biz sol nátıjeni jańalaý maqsatyn qoıyp otyrmyz», - dedi Aıagózdegi 10810 áskerı bólimi, 2 tank batalonynyń aǵa-mamany, mehanık júrgizýshi Dýman Baıjanov.
Bıylǵy tank bıatlony Máskeý mańyndaǵy Alabıno polıgonynda 28 shilde men 11 tamyz aralyǵynda ótedi, atalǵan áskerı sharaǵa 24 memleket qatysýǵa ótinish bildirgen. Qazaqstan ótken jylǵy tank bıatlony halyqaralyq áskerı oıynynda 2-oryn ıelendi.
Aıta keteıik, «Tank bıatlony-2018» áskerı jarysyna daıyndyq barysy QR Qorǵanys mınıstrliginiń «Shyǵys» óńirlik qolbasshylyǵyna BAQ ókilderine arnalǵan press-týr aıasynda kórsetilgen bolatyn.
