Qazaqstandyq taǵy eki áýe kompanııasy Eýropaǵa ushýǵa ruqsat aldy
ASTANA. QazAqparat - Qazaqstandyq «FLY JET.KZ» jáne «Jet Airlines» AQ avıakompanııalary Eýropaǵa ushýǵa ruqsat berý rásiminen ótti, dep habarlaıdy «QazAqparat» HAA tilshisi QR IDM Azamattyq avıatsııa komıtetiniń Feısbýktegi paraqshasyna silteme jasap.
«Búgingi tańda jeti otandyq áýe kompanııa Eýroodaq elderine ushý múmkindigine ıe bolyp otyr. Budan buryn «Air Astana» AQ, «Prime Aviation» AQ, «Qaz Air Jet» AQ, «Comlux-KZ» JShS, «SCAT» áýe kompanııalary ushý qaýipsizdigi boıynsha Eýropalyq agenttiktiń (EASA) avtorızatsııa rásiminen ótken bolatyn. Eske sala keteıik, qazaqstandyq áýe kompanııalardan Eýropaǵa ushý shekteýleri tolyǵymen alynyp tastalǵan», - delingne habarlamada.
Azamattyq avıatsııa komıtetiniń habarlaýynsha, úshinshi elderden Eýropa odaǵyna ushaq ushyrý úshin Eýropalyq Komıssııa (TSO) tasymaldaýshylarǵa mindetti túrde ruqsat berý talaptaryn engizgen. Atalmysh avtorızatsııalaý protsedýrasyn ushý qaýipsizdigi (EASA) jónindegi Eýropalyq agenttik júzege asyrady. Ruqsat berý rásimine sáıkes, paıdalanýshy ushatyn kúnine deıin EASA-ǵa ótinish berýi kerek.
Foto: smylies.info
