Qazaqstandyq taǵy bir tennısshi Bosnııadaǵy jarystyń jartylaı fınalyna ótti
ASTANA. QazAqparat – Qazaqstandyq Aleksandr Nedovesov juptyq synda Bosnııa jáne Gertsegovınanyń Banıa-Lýka qalasynda ótip jatqan ATR 250 týrnıriniń jartylaı fınalyna shyqty, dep habarlaıdy QazAqparat tilshisi.
Aleksandr Nedovesov portýgalııalyq Frantsısko Kabralmen birge shırek fınalda dodanyń úshinshi raketkalary bolyp tirkelgen frantsııalyqtar Sadıo Dýmbııa – Fabıen Rebýlmen sheberlik baıqasty.
Qazaqstandyq-portýgalııalyq jup 7:6 (7:5), 6:1 esebimen jeńiske jetti.
Saǵat jarymnan astam ýaqytqa sozylǵan báseke barysynda A.Nedovesov pen F.Kabral 2 eıs jasap, 9 breık-poınttyń úsheýin paıdalandy. Frantsııalyq jup 2 eıs, 1 breıkten (7 breık-poınt) asa almady.
A.Nedovesov pen F.Kabraldyń jartylaı fınaldaǵy qarsylastary keıin anyqtalady.
Budan buryn osy jarysta taǵy bir qazaqstandyq Andreı Golýbev ýkraınalyq Denıs Molchanovpen birge jartylaı fınalǵa ótken bolatyn.
Eske sala keteıik, budan buryn Elena Rybakınanyń Shtýtgart týrnırin jeńispen bastaǵanyn jazǵan bolatynbyz.
Sondaı-aq Qazaqstanda alǵash ret tennısten álem chempıonatynyń irikteý saıystary ótedi.
Qazaqstandyq tennısshi Bosnııadaǵy jarystyń jartylaı fınalyna shyqty.
