Qazaqstandyq taǵy 4 sportshy dopıng qoldanǵan
ASTANA. QazAqparat - Qazaqstannyń dopıngke qarsy ulttyq ortalyǵy tyıym salynǵan preparattardy qoldanǵan tórt sportshynyń esimin jarııalady, dep habarlaıdy Sports.kz.
Aleksandr Godovanıýk (sý polosy) 2022 jyldyń 1 tamyzyna deıin shettetildi (oraltýrınabol)
Abzal Ábildashev (sambo) 2022 jyldyń 24 shildesine deıin shettetildi (drostanolon, metandıenon, trenbolon, stanozolol)
Azat Dobaıev (sambo) 2020 jyldyń 19 shildesine deıin shettetildi (fýrosemıd)
Aslan Korıgov (paýerlıftıng) 2021 jyldyń 8 jeltoqsanyna deıin shettetildi (testosteron)
Qazirgi kezde 2018 jyly dıskvalıfıkatsııalanǵan sportshylardyń sany - 30 adam.
Eske sala keteıik, Qazaqstannyń dopıngke qarsy ulttyq ortalyǵy osy jyldyń qyrkúıek aıynda tyıym salynǵan qospalardy qoldanǵany úshin shettetilgen sportshylardyń jańartylǵan tizimi jarııalaǵan bolatyn. Ol tizimge jeti qazaqstandyq sportshy engen.
