Qazaqstandyq taekvondoshylar Túrkııadaǵy týrnırde 7 medal aldy
YSTANBUL. QazAqparat - Túrkııanyń Ystanbul qalasynda taekvondodan reıtıngilik «Turkish open G1» týrnıri ótip jatyr, dep habarlaıdy QazAqparat Olympic.kz-ke silteme jasap.
Jarys qorytyndysy boıynsha, Qazaqstan quramasy 3 kúmis jáne 4 qola júldege ıe boldy.
Erler arasyndaǵy básekede Álimjan Serikbaev (63 kg) men Smaıyl Dúısebaı (+87 kg) kúmis júldeger atansa, qyzdar arasynda Jansel Denıs (73 kg) ekinshi orynnan kórindi. Al el qorjynyna qola júldeni salǵandar Eldar Birimbaı (68 kg), Ábdýsamat Les (74 kg), Rýslan Japarov (+87 kg) pen Aqsáýle Erqasymova (73 kg) boldy.
