Qazaqstandyq taekvondoshylar Máskeýde ótken týrnırde júldeger atandy
ORAL. QazAqparat - Qazaqstandyq taekvondoshylar Máskeý qalasynda ótken «Patrıot 2017» búkilreseılik týrnırinde júldeger atandy, dep habarlaıdy «QazAqparat» tilshisi.
Taekvondodan BQO quramasynyń aǵa jattyqtyrýshysy Arslan Ordabaevtyń aıtýynsha, shákirtteri - 2003 jylǵy Lıana Kýshkeeva 51 kg, 2006 jylǵy ıAn Cherentsov 28 kg jáne 1999 jylǵy Áıgerim Qajymova 67 kg salmaqta qola júldege ıe boldy. Arslannyń ózi ardagerler arasynda chempıondyq tuǵyrǵa kóterildi.
«Bıyl Oral qalasynda olımpıadalyq oıyn túrine jatatyn taekvondodan (WTF) kadetter arasynda ótken el birinshiliginde Lıana Kýshkeeva jeńimpaz atanǵan bolatyn. Qazir ol Almatyda, Qazaqstan quramasy sapynda maýsym aıynda Vetnamda 2003-2005 jylǵylar arasynda ótetin Azııa chempıonatyna daıyndalýda», dedi QazAqparat tilshisine A.Ordabaev.
Aıta keteıik, osynyń aldynda Aqtaý qalasynda taekvondodan ótken ІV Qazaqstan jastar oıyndarynda Batys Qazaqstannan barǵan Shyńǵys Qýatov, Álı Nurǵalıev jáne Darıa Popova da qola júldege qol jetkizgen edi. 
