Qazaqstandyq taekvondoshylar Fajr Open týrnırin úsh medalmen aıaqtady
NUR-SULTAN. QazAqparat – Iranda taekvondodan halyqaralyq Fajr Open týrnıri aıaqtaldy. Jarystyń sońǵy kúninde Qazaqstannyń erler quramasy bir qola medal ıelendi, dep habarlaıdy Qazaqstannyń Taekvondo federatsııasynyń baspasóz qyzmeti.
Bul júlde 80 kelide baq synaıtyn Nurlan Myrzabaevqa tıesili.
6-9 naýryz aralyǵynda ótken alaman qorytyndysy boıynsha qurama qorjynynda bir kúmis jáne eki qola medal bar.
Esterińizge sala ketsek, týrnırdiń alǵashqy kúninde Jansel Denız (73 kg) ben Ámına Nurǵazyqyzy (62 kg) kúmis jáne qola medalmen kózge túsken. Bul nátıje Qazaqstannyń áıelder quramasynyń úzdik úshtikke enýine múmkindik berdi.
