Qazaqstandyq taekvondoshylar Belgııada ótetin týrnırden bas tartty
NUR-SULTAN. QazAqparat – Qazaqstandyq taekvondoshylar Belgııanyń Lommel qalasynda ótetin reıtıngtik «Belgian Open G-2» jarysynan bas tartty, dep habarlaıdy QazAqparat tilshisi.
QR Ulttyq olımpıadalyq komıteti habarlaǵandaı, atalǵan dodaǵa Qazaqstannan 13 sportshy qatysady dep josparlanǵan.
Olar: Eldos Ysqaq, Álimjan Serikbaev, Eldar Birimbaı, Qaırat Sarymsaqov, Abdýsamat Les, Nurqanat Qojahmet, Nurlan Myrzabaev, Rahym Ádilhan, Smaıyl Dúısebaı, Rýslan Japarov, Denıs Jansel jáne Samat Temirhan.
Alaıda, Qytaıdyń Ýhan qalasynda paıda bolyp, keıin jarty álemge jaıylǵan asa qaýipti koronavırýs epıdemııasynyń taralýyna baılanysty qazaqstandyq sportshylar atalǵan jarysqa qatysýdan bas tartqan.
Negizi, «Belgian Open G-2» týrnıri - mańyzdy dodalardyń biri. Bul jarysta jeńimpaz jáne júldegerlerge berilgen upaı sandary Olımpıadalyq reıtıngke qosylady.
