Qazaqstandyq taekvondoshylar BAÁ-de ótetin álem kýbogyna qatysady
ASTANA. QazAqparat - Qazaqstandyqtar Fýdjeıro qalasynda (BAÁ) taevondodan Gran-prı kezeńiniń fınaldyq dodasy men komandalyq álem kýbogyna qatysady, dep habarlaıdy QazAqparat tilshisi.
QR Ulttyq olımpıada komıtetinen málim etkendeı, 22-23 qarasha kúnderi ótetin Gran-prı týrnıriniń sońǵy saıysyna Qazaqstannan Smaıyl Dúısebaı ǵana joldama aldy.
S.Dúısebaı 87 kelige deıingi salmaqta synǵa túsedi.
Gran-prı jarysynyń fınaldyq kezeńinde jeńimpaz atanǵan sportshyǵa 80 upaı beriledi. Bul - álem chempıonatynan keıingi ekinshi iri reıtıngilik týrnır. Sondyqtan onda tabysty óner kórsetý asa mańyzdy.
Sondaı-aq Qazaqstan quramasy erler men áıelder arasynda 24-25 qarasha kúnderi bolatyn aralas komandalyq álem kýbogyna shaqyrtý aldy.
Komandalyq básekede el namysyn tómendegi sportshylar qorǵaıdy:
Erler quramasy:
1) Eldos Ysqaq
2) Erasyl Qaıyrbek
3) Nurlan Myrzabaev
4) Rýslan Japarov
5) Rahym Ádilhanov (qosalqy quram)
Erler men áıelder (mıks):
1) Qazybek Baqtııaruly
2) Smaıyl Dúısebaı
3) Farıza Aldońǵarova
4) Jansel Denız.
