Qazaqstandyq taekvondoshylar Azııa oıyndarynyń joldamasy úshin baq synap jatyr
Mádenıet jáne sport mınıstrligi Sportty damytý dırektsııasynan habarlaǵandaı, Azııa oıyndaryna baratyn sportshylar irikteletin synǵa elimizdiń barlyq óńirinen 200-den astam sportshy qatysyp jatyr. Olar 3 kún boıy 10 salmaqta synǵa túsedi.
Aıta keteıik, bıylǵy báseke jańa júıe boıynsha ótip jatyr. ıAǵnı, endi ár salmaqta chempıon ataný jetkiliksiz. Jeńimpaz óz salmaǵyndaǵy jetistigin 2 kún boıy ustap turýy tıis. Keıin, sheshýshi kúni shırek fınalıster arasynan top jarǵan sportshymen sýperfınalda kim myqtyny anyqtaıdy. Al Azııa oıyndaryna sol aıqasta basym túsken taekvondoshy barady. Bul júıe osy sport túri shyqqan Ońtústik Koreıada búginge deıin qoldanylady.
«Qazir elimizde 20 myńnan astam taekvondoshy bar. Jyl saıyn el chempıonaty men kýbogyna 200-den astam sportshy qatysady. Salystyrmaly túrde bul az kórsetkish. Soǵan qaramastan iri jarystarǵa Ulttyq qurama jasaqtaǵanda daý shyǵyp jatady. Sonyń aldyn alý maqsatynda bizdiń federatsııa jyl saıyn júıeni jetildirýge baryn salyp keledi. Bıyl biz Ońtústik Koreıanyń formatyn negizge aldyq. Osydan keıin sportshylardyń daıarlyǵyna, sheshimniń ádildigine kúmán bolmaýy kerek», - dedi ashylý saltanatynda sóz alǵan Qazaqstan taekfondo federatsııasynyń Bas hatshysy Oljas Bespaev.
Al, Sportty damytý dırektsııasy basshynyń orynbasary Álisher Aımuhambetov osy jarystan soń Ulttyq qurama Ońtústik Koreıada ótetin oqý-jattyǵý jıynyna attanatynyn aıtty.
