Qazaqstandyq taekvondoshylar «Azııa balalary» týrnırinde 4 medal jeńip aldy
NUR-SULTAN. QazAqparat - Qazaqstandyq taekvondoshylar Vladıvostoktaǵy «Azııa balalary» týrnırinde sátti óner kórsetti, dep habarlaıdy federatsııanyń baspasóz qyzmeti.
Jarystyń ekinshi kúninde 73 kg salmaqtaǵy Elnur Murathan komandaǵa qola júlde syılady. Bul komandamyz úshin týrnırdegi tórtinshi medal.
Aldymen 63 kg salmaqta Darııa Manasqyzy chempıon atansa, Abdýlla Ábilqasym (63 kg) men Aıajan Saparhan (55 kg) qola júldege qol jetkizdi. Qazaqstan quramasy sapynda alty taekvondoshy óner kórsetti.
Tórt jylda bir ótetin «Azııa balalary» halyqaralyq sport oıyndarynda 1355 óren 19 sport túrinen 273 medal jıyntyǵyn sarapqa salýda.
Foto; kaztkd.kz
