Qazaqstandyq taekvondoshylar álem chempıonatyn sátsiz bastady
NUR-SULTAN. QazAqparat - Keshe Ulybrıtanııanyń Manchester qalasynda taekvondodan álem chempıonaty jalaýyn jelbiretti, dep habarlaıdy QazAqparat.
Federatsııanyń habarlaýynsha, jarystyń alǵashqy kúni úsh qazaqstandyq taekvondoshy alańǵa shyqty. Alaıda, jerlesterimiz jeńis tuǵyrynan kórine alǵan joq.
Aıtalyq, 46 kelide el namysyn qorǵaǵan Aınur Ýashpaı alǵashqy aınalymda ırandyq Mahla Momenzadehten utylsa, 58 kelide baq synaǵan Eldos Ysqaq úshinshi kezeńde meksıkalyq sportshyǵa 20:36 esebimen jol berdi.
Al 73 kelide Qazaqstan quramasynyń úzdik sportshysy Jansel Denız ekinshi aınalymda ıspanııalyq qarsylasynan 0:22 esebimen oısyraı utyldy.
Aıta keteıik, taekvondodan álem chempıonaty 19 mamyrda óz máresine jetedi.
