Qazaqstandyq taekvondoshy halyqaralyq jarysta jeńimpaz atandy

AQTAÝ. QazAqparat - Mańǵystaýlyq sportshy Baýyrjan Isamedın Avstrııanyń Insbrýk qalasynda taekvondodan(WT) ótken halyqaralyq «Austrian Open G-1» reıtıngtik týrnırinde jeńimpaz atandy. Bul týraly Mańǵystaý oblystyq sport basqamasynyna málim etti, dep habarlaıdy QazAqparat tilshisi.
None

Baıraqty dodada álemniń 60 elinen 1000-nan astam sportshy baq synady. Qazaqstan quramasy jasóspirimder, jastar jáne eresekter arasynda jalpy esepte 42 medal jeńip aldy.

«Qazaqstan Respýblıkasynyń eresekter qurama komandasy sapynda óner kórsetken mańǵystaýlyq sportshy Eldar Birimbaı 68 keli salmaq dárejesinde 2-oryn jeńip alsa, jasóspirimder arasynda 45 kelide Isamedın Baýyrjan jarys jeńimpazy atandy. Aıta keteıik, Eldar Birimbaı mamyr aıynda Ázirbaıjan memleketiniń Baký qalasynda ótetin Álem chempıonatyna joldama aldy» delingen málimette.

Atalǵan jarys 1-2 sáýir aralyǵynda ótti. Osyǵan deıin, Eldar aqpan aıynda Lıýblıana qalasynda (Slovenııa) ótken halyqaralyq «Slovenia Open» reıtıngtik týrnırdiń jeńimpazy atanǵan bolatyn.


Сейчас читают