Qazaqstandyq taekvondoshy álem chempıonatynda «kúmis» medal oljalady
ASTANA. QazAqparat – Qazaqstandyq taekvondoshy Nartaı Orazbaev (+ 65 keli) Ázerbaıjanda aıaqtalǵan kadetter arasyndaǵy álem chempıonatynda (24-27 shilde) «kúmis» medal oljalady, dep habarlaıdy Sporttyq kúres pen kúshtik sport túrleri konfederatsııasynyń baspasóz qyzmeti.
«Alǵashqy jekpe-jeginde tatamı ıeleriniń ókili Orhan Tagı-Zadany jeńgennen keıin (20:8), qazaqstandyqqa amerıkalyq Rıchard Chýng (20:4) pen ózbekstandyq Islomdjon Adhamov (21:9) shydas bere almady. Biraq, ókinishke qaraı fınaldyq kezdesý sátsiz boldy. Orazbaevty súrindirgen ırandyq Amırhýsseın Vogýı Azar (32:7) bul jekpe-jekte jeńimpaz atandy», - delingen habarlamada.
Álem chempıonaty. + 65 keli. Qorytyndy esep:
1. Amırhýsseın Vogýı Azar (Iran)
2. Nartaı Orazbaev (Qazaqstan)
3. Islomdjon Adhamov (Ózbekstan), Muhammed Achıkgoz (Túrkııa)
