Qazaqstandyq taekvandoshy Nursultan Mamaev álemdik Gran-prıde altyn ıelendi (FOTO)
ASTANA. QazAqparat - Manchester qalasynda ótken álemdik Gran-prı jarysynyń ekinshi kúni qazaqstandyq taekvandoshy Nursultan Mamaev úshin tabysty boldy, dep habarlaıdy Qazaqstan taekvondo federatsııasynan.
22 jastaǵy sportshy 58 kelige deıingi salmaq dárejesinde birinshi oryndy jeńip aldy, sóıtip altyn medal ıelendi. Nursultan belgııalyq Mýrad Lahrakýıdy (9:4) jáne Sı Mohamed Ketbıdi (13:8), portýgaldyq Rýı Bragankany (6:4) jeńdi. Ońtústikkoreıalyq Kım Te Han onymen kúresýden bas tartty. Fınalǵa ıspandyq Tortosa Kabreramen shyǵyp, negizgi ýaqytyn teń (5:5) eseppen aıaqtaǵan Mamaev, qosymsha raýndta «altyn upaıǵa» ıe boldy.
