Qazaqstandyq sýretshiniń kartınasy Los-Andjelestiń óner mýzeıine qoıyldy
NUR-SULTAN. QazAqparat - Qazaqstandyq sýretshi Sáýle Dúısenbınanyń «Objective ornament II» atty týyndysyn Los-Andjelestiń LACMA atty óner mýzeıi arnaıy satyp aldy, dep habarlaıdy QazAqparat tilshisi.
«Bul kartına HVIII ǵasyrda ómir súrgen ıspan sýretshisi Fransısko Goııanyń týyndysyna uqsas. Sýret 2018 salyndy, onda paralleldi álem men qazaqtyń ulttyq bas kıimi arqyly bizdiń qazirgi ómirimiz beınelengen. Men ózim Amerıkada gallerııada jumys isteımin. Aǵymdaǵy jyldyń kókteminde Nıý-Iorkte ortaazııalyq birneshe sýretshiniń toptyq kórmesi ótti. Onyń ishinde Qazaqstannan meniń týyndylarym, sonymen qatar Ózbekstan men Qyrǵyzstan sýretshileriniń eńbegi boldy. Kórmeni salanyń kásibı mamandarymen qatar ónerge qyzyǵýshylar tamashalady, meniń jumysym kórmeden soń satyldy. Ózim kásibı sýretshimin jáne bul salada biraz jyldar eńbektenip kelemin. Negizgi taqyrybym keskindeme, grafıka jáne annımatsııa. Jumysym barysynda barlyq zamanaýı tehnıka men tehnologııalar múmkindigin qoldanamyn», - deıdi S. Dúısenbına.
Avtordyń aıtýynsha, Los-Andjelestiń óner mýzeıi satyp alǵan kartına buǵan deıin Qazaqstanda kórmege qoıylǵan.
«Uly dalanyń tarıhy» atty kóshpeli kórmeniń aıasynda bul týyndy Shymkent, Taraz jáne Taldyqorǵan qalalarynda kópshiliktiń nazaryna usynyldy. Taldyqorǵanda ótken kórme kezinde jumysqa qarsy bolyp, ony kórmeden alyp tastaýdy suraǵandar boldy. Onyń sebebi qazaqtyń ulttyq bas kıimin kıgen qyzdyń aıaǵynyń ashyq bolýy. ıAǵnı, qazaqtyń bas kıimin qorlady degen jeleý. Sodan soń maǵan týyndymnyń kózdegen maǵynasyn túsindirýime týra keldi. Nátıjesinde kartına kórmeniń sońyna deıin turdy», - deıdi ol.
