Qazaqstandyq sýretshiler óz týyndylaryn Máskeý kórmesinde tanystyrdy
MÁSKEÝ. Naýryzdyń 22-si. QazAqparat /Narymbek Ysmaǵulov/ - Máskeý halyqaralyq kórkemsýret salonynda ashylǵan «Sýretshilerdiń ortalyq úıi-2010» kórmesine qazaqstandyq úsh sýretshiniń týyndylary qoıyldy.
TMD elderiniń Gýmanıtarlyq yntymaqtastyq memleketaralyq qorynyń qoldaýymen uıymdastyrylǵan salon, TMD jáne Baltyq elderiniń sýretshiler odaqtarynyń ókilderin tanystyrý maqsatynda osymen 13-shi ret ótkizilýde.
Qazaqstannyń atynan kórmege Nurlan Bajyrov («Arqan tartý, «Bóriler», «Aýdaryspaq»), Dýlat Álıev («Ǵashyqtar», «Qurbylar»), Qadyrbek Kámetov («Suńqar salý», «Kókpar») syndy tanymal sýretshilerdiń týyndylary qoıylyp otyr.
Salonǵa, sondaı-aq, Ázirbaıjan, Armenııa, Belarýs, Qyrǵyzstan, Moldova, Reseı, Tájikstan, Túrikmenstan, Ózbekstan, Ýkraına elderiniń, sondaı-aq Máskeý, Sankt-Peterbor jáne Kıevtiń sýretshiler odaqtary, Reseı sýretshileriniń shyǵarmashylyq odaǵy, Reseı Kórkemsýret akademııasy, Latvııa, Lıtva jáne Estonııa sýretshileriniń odaqtary qatysýda.
