Qazaqstandyq sýretshi «ıAdrosyz bolashaq úshin» syılyǵyn aldy
Halyqaralyq qazylar alqasy músheleriniń sheshimi 16 shildede «ıAdrosyz bolashaq úshin» syılyǵy qorynyń saıtynda jarııalandy. Syılyqty tapsyrý rásimi Zaltsbýrgte (Aýstrııa) qazanda ótedi.
Qazaqstandyq belsendimen birge Aýstralııadan Djefrı Lı jáne Ulybrıtanııadan Lında Ýolker syılyqqa laıyq dep tanyldy. Taǵy eki qurmet syılyqtary frantsýz belsendileriniń juby Dıde jáne Polet Angerge jáne olardyń aýstrııalyq pikirlesi Pıter Veıshke berildi.
Sýretshiniń pikirinshe, syılyqtyń tabystalýy halyqaralyq qoǵamdastyqty ıadrolyq synaqtardyń qaýipi men saldary týraly aqparattandyrý boıynsha Qazaqstan júrgizip jatqan jumystyń tanylý belgisi bolyp tabylady.
«Bul syılyq - búkil Qazaqstannyń eńbegi! Bul - elimizdiń, ATOM jobasynyń bastamashysy - Prezıdent Nursultan Nazarbaevtyń úlken jáne aýyr jumysynyń baǵasy. Respýblıkamyz óziniń jeke úlgisimen ıadrolyq taratpaý jáne qarýsyzdaný úshin qalaı kúresý qajettigin kórsetti, jáne ıadrolyq bolashaq úshin nemese oǵan qarsy sheshim qabyldaý máselesinde qobaljyǵan álemniń basqa memleketteri úshin tirek boldy», - dep halyqaralyq syılyqtyń laýreaty Q. Kúıikov basa atap ótti.
ATOM jobasy (Abolish Testing, Our Mission - Synaqtardy boldyrmaý - Bizdiń mıssııamyz) jahandyq ıadrolyq qarýsyzdaný men qoǵamdyq dıplomatııa salasynda Qazaqstan Respýblıkasynyń Prezıdenti N. Nazarbaevtyń mańyzdy bastamasy bolyp tabylady. Bul bastama BUU jarııalaǵan Halyqaralyq ıadrolyq synaqtarǵa qarsy áreketter kúni 2012 jylǵy 29 tamyzda Astanada «ıAdrolyq synaqtarǵa tyıym salýdan ıadrolyq qarýdan azat álemge» halyqaralyq konferentsııasynda jarııalanǵan bolatyn.
ATOM jobasynyń jarııalaný mezetinen beri alty jylda álem boıynsha bastamanyń prezentatsııalaryn jáne ózi Semeı polıgonyndaǵy ıadrolyq synaqtardyń qurbany bolyp tabylatyn Q. Kúıikovtiń sýretteri kórmeleriniń uıymdastyrylýyn qosa alǵanda el ishinde jáne shetelde osy bastamany ilgeriletý boıynsha anaǵurlym jumys atqaryldy. Qazirgi ýaqytta álemniń 100 ederinen 300 000 asa adam ıAdrolyq synaqtarǵa jappaı tyıym salý týraly sharttyń (DVZıAI) óz kúshine jedel enýin qamtamasyz etý jóninde álem lıderlerine degen úndeýmen ATOM jobasynyń onlaın-petıtsııasyna qol qoıdy.
ıAdrolyq qarýdyń synaqtaryn toqtatýdyń jáne nátıjesinde álemdi ıadrolyq qarýdan azat etýdiń belsendi kúresshisi retinde 2017 jyly ATOM jobasynyń Qurmetti elshisi Q. Kúıikov Halyqaralyq ıadrolyq qarýǵa tyıym salý qozǵalysyna berilgen ıAdrolyq qarýdy joıýda kúsh-jigeri úshin beıbitshilik salasyndaǵy Nobel syılyǵynyń tabystalý rásimine shaqyrylǵan.
