Qazaqstandyq sýretshi The London Ultra úzdigi atandy
LONDON. QazAqparat - Ulybrıtanııada qazaqstandyq sýretshi Úrııa Djýrık The London Ultra art-ınstallıatsııalar kórme-baıqaýynda bas júlde men aqshalaı syılyqqa ıe boldy, dep habarlaıdy QazAqparat tilshisi.
The London Ultra - zamanaýı kórkem ıdeıalardyń toǵysatyn jeri. Munda mınımalıstik kompozıtsııalardan bastap, sándi ınstallıatsııa jáne tańdaı qaqtyrarlyq abstraktsııaǵa deıin bar. Sharaǵa jyl saıyn álemniń túkpir-túkpirinen óner adamdary kelip, baqtaryn synaıdy. Bıyl Úrııanyń kórmege ekinshi ret qatysýy. Ol ádettegideı kóshpendilerge etene tanys materıal - maldyń tabıǵı júninen músinder jasaıdy.
Sýretshiniń bıylǵy ınstallıatsııasy tamyr men júıke talshyqtaryn eske salady. Osylaısha avtor kórermenniń nazaryn adamzattyń búgingi kókeıkesti máselelerine aýdartqysy keledi.
«Halyq tehnologııalyq jáne ekonomıkalyq progress kóshine ilesemin dep, tabıǵatpen jáne búkil álemmen baılanysyn joǵaltyp jatyr. Tipti bir-birimizden de alshaqtap baramyz. ıAǵnı, bul tehnologııalar bizdi biriktirip qana qoımaıdy, sonymen birge ajyratady. Adamdar áleýmettik jelilerdegi ádemi fotosýretteriniń artyna tyǵylyp, ózderiniń jalǵyzsyrap qalǵandaryn sezbeı de qalǵandaı», - deıdi sýretshi.
Synshylar bolsa, onyń bul eńbegine joǵary baǵa berip otyr.
«Úrııanyń bul jumysy maǵan erekshe áser etti. Ol basqalarǵa múldem uqsamaıdy. Keńistikti, tústerdi, tekstýrany óte sátti paıdalanǵan», - dedi bizben suhbatynda art-agent Bıllı Orafferrtı.
The London Ultra kórme-konkýrsynyń uıymdastyrýshylary álemniń júzdegen elinen kelgen qatysýshylardyń arasynan qazaqstandyq sýretshiniń eńbegin eń úzdik dep baǵalap, bas júlde jáne 1000 sterlıng fýntyn tabys etti. Ýrııa óz jumystarynda kóshpendilerdiń ejelgi materıaly - júndi paıdalaný arqyly Qazaqstannyń atyn bedeldi halyqaralyq kórmelerde pash etýdi jalǵastyra bermek.
