Qazaqstandyq sýńgýirler Ystyq kólde 40 metr tereńdikke tústi
BІShKEK. QazAqparat - Sholpan Ata qalasynda Halyqaralyq azamattyq qorǵanys uıymy aıasynda (MOGO) «Sýǵa súńgý isi» boıynsha jıyn ótti, dep habarlaıdy «Kabar» agenttigi.
Jıynǵa 7 el - Qyrǵyzstan, Reseı, Grýzııa, Qazaqstan, Ózbekstan, Mońǵolııa jáne Indonezııa ókilderi qatysty. Bul bas qosýdyń negizgi maqsaty - «Sýǵa súńgý isi» boıynsha mamandardy oqytý, kásibı biliktiligin kóterý jáne qatysýshy elder mamandarynyń ózara baılanysyn nyǵaıtý.
Reseı Áskerı teńiz flotynyń qarýly kúshteri jıyndy ótkizýdi qamtamasyz etti.
Reseı bazasynan arnaıy jaraqtalǵan eki motorly qaıyqpen maman-súńgýirler keldi. «Olar jıynǵa qatysýshylarǵa ÝVS-50M, SVÝ-5(1) jáne SVÝ-5(2)-niń sýǵa súńgýge arnalǵan jabdyqtaryn kórsetti. Oqý-jattyǵý kezinde qatysýshylar ÝVS-50M jabdyǵymen 10 metr, sondaı-aq barokameramen 40 metrge deıin tereńdikke tústi», - dep habarlady reseılik «Kant» áýe bazasynyń baspasóz qyzmeti.
