Qazaqstandyq sýǵa júzýshi Ádilbek Mýsın Chendýdegi Ýnıversıadada fınalǵa shyqty
BEIJІŃ. QazAqparat - Qytaıdyń Chendý qalasynda ótip jatqan HHHI Búkilálemdik jazǵy Ýnıversıadada qazaqstandyq Ádilbek Mýsın 100 metr qashyqtyqty batterflıaı ádisimen 52,34 sekýnd nátıjemen júzip ótip, fınalǵa joldama aldy, dep habarlaıdy QazAqparat tilshisi.
100 metrge batterflıaı ádisimen júzý boıynsha aqtyq synǵa barlyǵy 8 sportshy qatysady. Fınal jeksenbi, 6 tamyzda Chendý qalasyndaǵy (Sychýan provıntsııasy, Qytaı) Dong’an Lake ortalyǵynda, Beıjiń ýaqytymen saǵat 18:51-de bastalady.
Osyǵan deıin Japonııanyń Fýkýoka qalasynda ótken sý sportynan álem chempıonatynda Ádilbek Mýsın 100 metrge batterflıaı ádisimen júzýden 51,68 sekýnd kórsetkishpen Qazaqstannyń rekordyn ornatqan bolatyn.6 tamyz kúngi saǵat 12:00-degi (jergilikti ýaqyt) jaǵdaı boıynsha Qazaqstan medaldyq esepte 19-shy orynda tur. Qazaqstan quramasynyń qorjynynda 19 medal bar: eki altyn, jeti kúmis jáne 10 qola. Qytaı kósh bastap tur (141 medal: 78 altyn, 33 kúmis jáne 30 qola). Ekinshi orynda Japonııa (74:19-24-31), úshinshi orynda Ońtústik Koreıa (50:17-15-18).
Buǵan deıin bıiktikke sekirý jarysynda qazaqstandyq Nadejda Dýbovıtskaıa men Krıstına Ovchınnıkova fınalǵa shyqqan bolatyn.
