Qazaqstandyq sýda júzýshi Ádil Qasqabaı jańa rekord ornatty
ASTANA. QazAqparat - Býdapeshtte sý sporty túrleri boıynsha álemniń FINA birinshiliginde júzgish Ádil Qasqabaı 100 metr qashyqtyqta qulashtap júzýden mejege 50 sekýndta kelip, uzaq ýaqyttan beri alǵash ret Qazaqstan rekordyn ornatty, dep habarlaıdy QR sý sporty túrleri federatsııasynyń baspasóz qyzmeti.
Ádil óziniń burynǵy 50.10 sek nátıjesin jaqsartyp, qashyqtyqty 49.81 sek ýaqytymen aıaqtady.
«Búginde qazaqstandyq krol ádisimen júzýshiler úshin Ádildiń nátıjesi - tarıhı qadam. Osy 50 sekýndqa uzaq ýaqyt boıy qol jetkize almaı júrgen edik», - dedi júzý quramasynyń bas bapkeri Oleg Vagızov.
«Biraq Ádil bul tosqaýyldy buzdy, endi bizdiń krolıster tez júzedi dep senemin. Álem chempıonatyna daıyndyq úshin jeti jasóspirimdi jattyqtyrý úshin iriktep aldyq. Onyń ishinde Dmıtrıı Balandın de bar».
Júzýshilerdi daıyndaý jónindegi keshendi ǵylymı top QR Mádenıet jáne sport mınıstrligi men QR Sý sporty túrleri federatsııasymen birlesip, 2013 jyly qurylǵan edi.
